مايان السيد بتحكي عن قصة إعجابها بشاب هندي وسخرية أهلها
ظهرت النجمة الشابه مايان السيد في برنامج “معكم منى الشاذلي” بصحبة أبطال فيلمها الجديد “نجوم الساحل”، وتكلمت بصراحه عن حاجات حصلتلها في المصيف، من ضمنهم حكاية إعجابها بشاب هندي.
قالت مايان: “قابلت واحد هندي في سريلانكا، كان فيه إعجاب كده لمدة 10 أيام، بس خلاص، أنا في القاهرة وهو في مومباي، يعني الموضوع ماكنش هيمشي”.
وأضافت إنها فعلاً كلمت أهلها عن فكرة ارتباطها بالشاب ده، لكن رد فعلهم كان ساخر وقالولها: “إنتِ بتهزري وهتزهقي، إحنا تعبنا معاكي أصلاً”.
اللقاء كان مليان ضحك وذكريات لطيفة من كواليس تصوير فيلم “نجوم الساحل” اللي بدأ عرضه في عيد الفطر 2025.
الفيلم بيحكي عن حفلة كبيرة في الساحل، بينظموها أحمد داش ومايان، وبتبدأ من هنا قصة حب معقدة بينهم.
الفيلم من إخراج رؤوف السيد، وتأليف محمد جلال، وبطولة أحمد داش، مايان السيد، علي صبحي، أحمد عبدالحميد، وفليكس اللي بيجرب التمثيل لأول مرة، وكمان فيه ضيوف شرف كتير.
وبجانب الفيلم، كانت مايان في رمضان اللي فات مشاركة في مسلسل “نص الشعب اسمه محمد”، اللي شارك فيه كوكبة من النجوم.
