نانسي عجرم تحتفل بديزني وتحيي حفلات وسط تفاعل كبير من جمهورها
نانسي عجرم شاركت جمهورها على إنستجرام صور من احتفاليه كانت موجوده فيها بجزيره ياس في الإمارات، وده كان بمناسبه الإعلان الرسمي عن افتتاح أول عالم ترفيهي ومنتجع تابع لعلامة ديزني في الشرق الأوسط وأفريقيا.
نانسي ظهرت في الصور مع جوزها فادي الهاشم، وكمان اتصورت مع ناس معروفين زي نعومي كامبل وكيارا فيراجني وإد ويستويك.
وبعيدًا عن الحفله دي، نانسي كانت لسه من يومين أحيت حفله كبيرة في المتحف المصري الكبير يوم 2 مايو، وقدمت فيها عدد كبير من أغانيها الرومانسية اللي خلت الجمهور يغني معاها طول ساعتين في أجواء حلوة جدًا.
نانسي شكرت الجمهور والمنظمين في نهاية الحفل، وكان معاها كمان فريق واما بأعضائه: أحمد فهمي، أحمد الشامي، ومحمد نور، وقدموا فقرة غنائية سخنت الأجواء أكتر.
نانسي كمان بتحتفل بنجاح إعلانها الجديد “تيجي نعيش” اللي عملته مع شركة اتصالات، واللي بقى من أكتر الأغاني استماعًا في مصر والعالم العربي على منصات الموسيقى، وده خلى نانسي تشارك الفرحة مع جمهورها على إنستجرام وتنزل صورة وهو متصدر التريند.
