محمد صلاح يحصد جايزة رابطة الكتاب ويتساوى مع أسطورة أرسنال
اعلنت رابطة كتاب الكوره الإنجليزيه إن النجم المصري محمد صلاح فاز بجايزة أفضل لاعب في الدوري الإنجليزي لموسم 2024-2025، وده للمره التالته في تاريخه.
الرابطة كشفت عبر حسابها على إكس إن صلاح حصل على دعم ساحق في التصويت، بنسبة 90% من أكتر من 900 عضو من أعضاءها، وده رقم كبير بيأكد على التألق اللافت للفرعون المصري.
صلاح كده بيبقى تاني لاعب في التاريخ يفوز بالجايزة 3 مرات، بعد تيري هنري نجم أرسنال السابق وده بعد ما حصل عليها صلاح قبل كده في موسمي 2018 و2022.
النجم المصري قدم موسم عالمي مع ليفربول، وساهم بشكل كبير في تتويج الفريق بلقب الدوري قبل نهايته بـ4 جولات كاملة، وسجل 38 هدف، متصدر بيهم جدول الهدافين، وكمان عمل 18 أسيست، يعني مساهم في 56 جول
الموسم ده ممكن يكون واحد من أحسن المواسم في مسيرة صلاح، والناس كلها بتتكلم عن مستواه العالي وثباته الكبير، وده اللي خلى الرابطة تختاره بسهولة.
وبكده محمد صلاح يثبت تاني إنه واحد من أعظم اللاعيبة اللي لعبوا في البريميرليج.
