صلاح يكسر الأرقام ويفوز بجايزة الأفضل من رابطة الكتاب تالت مره
أعلن جون كروس، رئيس رابطة كتاب كورة القدم الإنجليزيه، إن تتويج محمد صلاح بجايزة أفضل لاعب في البريميرليج لموسم 2024-2025 هو تأكيد على موسمه الخيالي مع ليفربول.
وقال كروس بتصريحات نقله موقع ليفربول الرسمي نادرا لما بنشوف لاعب شعبيته زي صلاح، التصويت الكاسح ليه بيعكس قد إيه الموسم اللي قدمه كان عظيم وأكد كمان إن أداءه كان مفتاح تتويج الريدز بلقب الدوري رقم 20 في تاريخه.
صلاح حصل على 90٪ من أصوات أكتر من 900 عضو في الرابطة، وده رقم مش طبيعي ودي المره التالته اللي بيحصد فيها الجايزة بعد 2018 و2022، وبيتساوى بيها مع أسطورة أرسنال تييري هنري.
كمان قال كروس مشاهدة محمد صلاح كانت ممتعة جدا السنة دي، وهيكون لينا الشرف نرحب بيه في حفل العشاء اللي هيتعمل احتفالا باللي حققه
الفرعون المصري شارك في 49 ماتش مع الريدز، سجل فيهم 33 هدف وصنع 23، يعني مساهم بـ56 جول أرقام خرافية تثبت إن صلاح لسه في القمة.
