إصابة ناصر ماهر تربك الزمالك قدام سيراميكا بالجولة الخامسه للدوري
اتعرض ناصر ماهر، لاعب نادي الزمالك، لإصابة مفاجأه خلتو يخرج من ماتش فريقه قدام سيراميكا كليوباترا، ضمن الجوله الخامسه من مرحله حسم الدوري المصري الممتاز.
اللاعب وقع على الأرض فالدقيقه ٣٨، والدكتور نزل يعالجه بس واضح إنها كانت إصابة مش بسيطه، فاضطر الجهاز الفني يبدله وينزل حسام أشرف بداله.
في الوقت ده، كانت النتيجه بتشير لتقدم الزمالك بهدف مقابل لا شيء، والهدف جه عن طريق ناصر منسي فالدقيقه ١٤، بعد ما محمد بسام حارس سيراميكا غلط غلطه كبيره لما حاول يراوغ منسي، اللي خطف الكوره وسجلها بكل سهوله في المرمى.
منسي كده بيكمل تألقه وبيتصدر ترتيب الهدافين بـ١١ هدف، وبيتساوى مع إمام عاشور نجم الأهلي، ووراهم أسامه فيصل مهاجم البنك الأهلي بـ١٠ أهداف.
الزمالك دلوقتي فالمركز التالت برصيد ٤٠ نقطه، وسيراميكا كليوباترا فالمركز السادس ومعاه ٣٠ نقطه.
غياب ناصر ماهر لو استمر ممكن يأثر على الزمالك في باقي الجولات، خصوصا وإن الفريق داخل على ماتشات حاسمه.
