مواعيد نار لنص نهائي دوري السله قمة أهلاويه زملكاويه جاية
الاتحاد المصري لكرة السله أعلن برئاسة عمرو مصيلحي، عن جدول مواعيد ماتشات الدور نص النهائي من دوري السوبر موسم 2024-2025، واللي هيكون فيه قمة بين الأهلي والزمالك، وكمان مواجهة سكندرية بين الاتحاد وسبورتنج.
الماتشات هتتلعب بنظام Best of 5 يعني أول فريق يكسب 3 ماتشات يتأهل، وكل اللقاءات هتكون على صالة برج العرب الرئيسية في إسكندرية.
المواعيد جات كدا
أول ماتش يوم التلات 13 مايو، الاتحاد ضد سبورتنج الساعة 6، وبعدها الأهلي ضد الزمالك الساعة 9.
تاني ماتش يوم الخميس 15 مايو، نفس الترتيب ونفس المواعيد.
تالت ماتش يوم السبت 17 مايو، الزمالك ضد الأهلي الساعة 6، وسبورتنج ضد الاتحاد الساعة 9.
ولو الماتشات احتاجت رابع، هيكون يوم الاتنين 19 مايو، وزي نفس الترتيب، ولو لسه التعادل مستمر، الماتش الخامس هيكون يوم التلات 20 مايو.
الجماهير مستنيه مواجهات ناريه، خصوصًا الأهلي والزمالك، اللي دايمًا بيكون فيهم حماس وجو مختلف، وكمان صراع سكندري كبير بين الاتحاد وسبورتنج.
