ترينت ألكسندر أرنولد بيختار ريال مدريد ويرفض عرض السيتي
انتشرت تقارير صحفيه إنجليزيه مساء الجمعه بتأكد إن مانشستر سيتي حاول في آخر لحظه يضم ترينت ألكسندر-أرنولد، وده بطلب من بيب جوارديولا نفسه، اللي كان شايف إن ترينت ممكن يضيف كتير لدفاع الفريق.
العرض اللي قدمه السيتي كان مغري جدًا من الناحيه الماليه، وأعلى كمان من اللي عرضه ريال مدريد، سواء في الراتب أو الحوافز، لكن الغريب إن أرنولد رفض العرض ده كله!
السبب؟ ببساطه، اللاعب عنده رغبه كبيره إنه ينضم لريال مدريد. واضح إن اللعب مع عملاق زي الريال، وكمان التاريخ الكبير للنادي، كان بالنسبه له حاجه لا تقاوم، وده غير إنه حابب يخوض تجربه جديده في الدوري الإسباني بعد ما قضى سنين في البريميرليج مع ليفربول.
الصفقه دي، حسب الكلام المنتشر، هتتم في الصيف الجاي بعد ما ينتهي عقده مع ليفربول في يونيو 2025، وساعتها هيروح لريال مدريد انتقال حر.
واضح إن ريال مدريد بيفكر للمستقبل، وترينت هيكون إضافة قويه خصوصًا في مركز الظهير اللي دايمًا محتاج تطوير.
