رونالدو بيهدد بالرحيل عن النصر لو مفيش تغييرات كبيره
الجدل لسه شغال حوالين مصير كريستيانو رونالدو مع النصر السعودي، والأنظار كلها عليه في الوقت ده من الموسم.
الصحفي برونو أندرادي قال إن رونالدو مش ناوي يجدد عقده مع النصر، إلا لو حصل على ضمانات واضحه إن الفريق هيتطور وهيتم دعمه بلاعبين جامدين.
رونالدو مش مبسوط من مستوى الفريق الحالي، وخصوصًا بعد الخروج من دوري أبطال آسيا على يد كواساكي الياباني في نص النهائي، وده زاد إحباطه أكتر.
كمان فيه كلام إن رونالدو مش مقتنع بستيفانو بيولي كمدير فني، ومش شايف إنه يقدر يقود الفريق للمنافسه على البطولات الموسم الجاي.
عشان كده هو طالب بتغيير المدرب وجلب مدرب يليق بطموحات النادي وطموحه هو كمان.
البرتغالي شايف إن الوقت بيعدي، ولو مفيش خطه واضحه لتطوير الفريق وجلب صفقات قويه، ممكن نشوفه بيغادر النصر في الصيف.
الجماهير بقت قلقانه، والإداره دلوقتي قدام اختبار صعب، يا ترضي طموح رونالدو؟ ولا النجم الكبير يشد الرحال لمكان تاني؟
