فيرتز قرب يلبس تيشرت بايرن ورافض يسمع لأي عروض تانيه
الصحف الألمانيه، وبالذات “بيلد”، قالت إن بايرن ميونخ قرّب جدًا من ضم نجم باير ليفركوزن الشاب فلوريان فيرتز.
اللاعب عنده 22 سنة، ومبين إنه حاطط بايرن هدف وحيد في دماغه، ومش عايز يسمع لأي نادي تاني مهما كان العرض مغري.
فيرتز مرتبط مع ليفركوزن بعقد لحد صيف 2027، وده اللي مخلي بايرن محتاج يقعد على طاولة المفاوضات مع الإدارة، بس لحد دلوقتي مفيش كلام رسمي بين الناديين.
المفاجأة إن بايرن بيجهز عرض ضخم أولي بقيمة 100 مليون يورو، وده رقم كبير بس ممكن يقنع ليفركوزن، خصوصًا لو اللاعب مصر على الرحيل.
ولو الأمور ما اتفقوش، فيرتز مستعد يقعد موسم كمان، بس ساعتها الصيف الجاي هيكون آخر فرصه لليفركوزن يكسب من وراه مبلغ كبير.
واضح إن فيرتز شايف مستقبله في أليانز أرينا، والجمهور البافاري مستني الصفقة دي تحصل عشان يشوف نجم جديد في وسط الملعب بعد موسم مليان تغييرات في الفريق.
