ماركا: مافيش ثورة كبيرة في التشكيلة ومبابي وفينيسيوس الحل!
قال الصحفي خوسيه فيليكس دياز من خلال صحيفة ماركا إن ريال مدريد مش ناوي يعمل “ثورة” في تشكيلته زي ما كان الكل متوقع، والسبب راجع لحاجتين رئيسيتين: الأولى إن الوقت الحالي مش مناسب لقرارات كبيرة زي دي، والتانية إن الإدارة لسه عندها ثقة في لاعيبة كتير رغم إنهم ماقدموش المستوى المطلوب الموسم ده.
التركيز دلوقتي على تحفيز النجوم اللي المفروض يكونوا بيصنعوا الفارق زي مبابي، وفينيسيوس، وبيلينجهام والإدارة والمدرب عايزين يرفعوا من مستواهم ويستغلوا قدراتهم على أحسن وجه بدل ما يدخلوا في دوامة تغييرات كبيرة.
ومن ناحية التعاقدات، ماركا أكدت إن صفقة ألكسندر أرنولد تمت خلاص، وكمان في تحركات جارية علشان يجيبوا ظهير أيسر ومدافع مركزي، والاسم اللي مطروح بقوة دلوقتي هو “دين هويسين”، بالإضافة للاعب وسط جديد.
الخطوات دي كلها جاية استجابة لرغبات المدرب تشابي ألونسو، اللي شايف إن الفريق محتاج تدعيمات محددة مش تغيير شامل وده معناه إن الريال ناوي يدخل الموسم الجاي بنفس الهيكل الأساسي لكن مع شوية تعديلات ذكية في المراكز اللي فعلاً محتاجة تقوية.
