الليفر قدام أرسنال صلاح بيطارد المجد وأرقام تاريخيه بالجمله
كل العيون هتكون شايفه ملعب آنفيلد يوم الأحد، لما ليفربول يقابل اأرسنال في قمه ناريه بالجوله 36 من الدوري الإنجليزي الممتاز الماتش ده مش عادي، خصوصًا وإن ليفربول متصدر الدوري بـ82 نقطه، وأرسنال وراه على طول بـ67 نقطه، يعني التلات نقاط دول ممكن يكونو حاسمين في صراع القمه.
محمد صلاح، نجم الريدز، داخل الماتش ده وعينه على أرقام خرافيه لو حققها، رغم إنو ماعملش أي مساهمه تهديفيه قدام تشيلسي في الجوله اللي فاتت واللي خسرها ليفربول 3-1 صلاح عنده لحد دلوقتي 28 جول و18 أسيست ف الموسم، وده رقم مرعب
الفرعون المصري محتاج جول واحد بس قدام أرسنال علشان يعادل رقم فيرمينو بـ11 جول ضد الجانرز، وكمان لو ساهم بهدف كمان هيعادل رقم شيرار وكول اللي ساهمو بـ47 هدف في موسم واحد ولو جاب جولين، هيوصل لـ187 جول ف البريميرليج ويكون رابع الهدافين ف التاريخ وكمان تمريرتين حاسمتين يخلوه يعادل رقم هنري ودي بروين بـ20 أسيست في موسم واحد.
