هالاند راجع ومروّش أساسي جوارديولا حدد تشكيل السيتي قدام ساوثامبتون
بيب جوارديولا، المدير الفني لمانشستر سيتي، قرر التشكيله اللي هيلعب بيها قدام ساوثامبتون، فالاسبوع الـ36 من الدوري الإنجليزي الممتاز، والماتش هيتلعب الليله السبت.
المان سيتي داخل الماتش ده وهوا ف المركز التالت بـ64 نقطه، وبيحاول يلحق المنافسه ع اللقب، أما ساوثامبتون فحالته صعبه جدًا ومتذيل الجدول بـ11 نقطه، يعني خلاص بيودع الدوري.
الخبر الحلو لجمهور السيتي، إن هالاند أخيرًا راجع للتشكيله الأساسيه بعد فتره غياب طويله عشان الإصابه، وهيبقى جنبه ف الهجوم النجم المصري عمر مرموش، اللي بيظهر لأول مره أساسي ف البريميرليج مع السيتي، ودا مفاجأه كبيره.
تشكيلة السيتي جت كالتالي
ف حراسة المرمى إيدرسون.
الدفاع نيكو أوريلي، جفارديول، روبن دياز، ريكو لويس.
الوسط كوفاسيتش، برناردو سيلفا، دي بروين.
الهجوم مرموش، هالاند، جيريمي دوكو.
بيب بيدور ع الفوز ولا حاجه غيره، خصوصًا قدام فريق متعثر زي ساوثامبتون. والسؤال دلوقتي، هل هالاند هيرجع يسجل وهل مرموش هيبصم ف أول ظهور أساسي هنشوف الليله.
