بيراميدز لسه عنده أمل ف الدوري كل حاجه لسه جايزه
رغم إن بيراميدز خسر تاني مره على التوالي، قدام البنك الأهلي بـ 4-2، فالجوله الخامسه من مجموعة التتويج، لكنه لسه مخرجش من سباق الدوري، ولسه عنده فرصه يتوّج لأول مره ف تاريخه، بس الموضوع مبقاش ف إيده.
الخساره خلت رصيده يقف عند 47 نقطه، وده خلى الأهلي يعتلي الصداره بـ 49 نقطه بعد ما كسب المصري البورسعيدي.
الاتنين قدامهم 3 ماتشات، والأهلي لو كسبهم كلهم هياخد الدوري رسمي بغض النظر عن بيراميدز، اللي لازم يستنى أي تعثر من المارد الأحمر.
بيراميدز هيلعب الزمالك يوم التلات 13 مايو، وبعدين بتروجيت يوم السبت 17 مايو، وأخيرًا سيراميكا كليوباترا يوم 28.
أما الأهلي، فهيلعب سيراميكا كليوباترا، البنك الأهلي، وفاركو ف نفس التواريخ تقريبًا.
بيراميدز يتوج بالدوري لو الأهلي خسر ماتش، أو تعادل ماتشين، أو الأهلي خسر أول ماتشين وبيراميدز كسب أول اتنين، ساعتها اللقب هيتحسم قبل الجوله الأخيره.
