لامين جمال ناوي يصالح جماهير برشلونة بكلاسيكو العمر قدام مدريد
بعد الخروج المُر من دوري الأبطال على يد إنتر ميلان، لامين جمال، النجم الصغير اللي عنده 17 سنة، قرر إنه مايسكتش! الواد حاسس إنه عليه دين لجماهير برشلونة اللي وقفت وراه وورا الفريق من أول المشوار لحد النهاية، وناوي يرد الجميل بطريقته الخاصة.
لامين شايف إن أحسن طريقة يصالح بيها الجماهير هي إنه يبدع في الكلاسيكو اللي جاي ضد ريال مدريد بكرة الحد. الماتش ده مش بس ماتش كرامة، لأ ده كمان ممكن يحدد مين اللي هياخد الليغا. يعني الموضوع كبير، والولد باين عليه قد التحدي.
لامين مش قاعد بيتفرج، ده شارك الموسم ده في 51 ماتش، وسجل فيهم 15 جول، وعمل 24 أسيست، أرقام تخلي أي حد يحترمه ويحسبله ألف حساب ومع الأرقام دي، الجماهير كلها مستنيا منه حاجة كبيرة بكرة، خصوصًا بعد الزعل من الخروج الأوروبي.
العيون كلها هتكون على لامين، والماتش ده بالنسباله أكتر من مجرد 3 نقط ده رد اعتبار.
