قمة نارية بين الأهلي والشباب مين يكسر التوازن التاريخي؟
الجمهور العاشق للكرة السعودية مستني مواجهة من العيار التقيل يوم الأحد الجاي، لما الأهلي ينزل ضيف تقيل على الشباب في استاد نادي الشباب، ضمن منافسات دوري روشن والمباراة دي مش بس 3 نقاط، دي فيها حسابات تاريخية وتحديات شخصية بين الفريقين.
اللقاء ده هيكون رقم 26 في تاريخ مواجهات الأهلي والشباب في دوري المحترفين، والتاريخ بيقول إن الأهلي ليه الغلبة شوية، بـ9 انتصارات قدام 6 بس للشباب، أما التعادل حضر 10 مرات، وده يورّيك قد إيه المنافسة كانت دايمًا مشتعلة.
اللقاء ده جاي في توقيت حرج للطرفين. الأهلي عايز يثبت إن تفوقه مش صدفة، وإنه فعلاً “الراقي” على مستوى الأرقام والأداء وفي المقابل، الشباب ناوي يعيد التوازن، ويكسر العقدة التاريخية ويخرج بثلاث نقاط ترفع معنويات الفريق وجمهوره.
كل المؤشرات بتقول إننا قدام مباراة مفتوحة على كل الاحتمالات، وملعب الشباب هيشتعل بالحماس، خاصة إن الفريقين بيملكو عناصر مميزة قادرة تحسم اللقاء في أي لحظة.
