أمن برشلونة يدفع بـ700 شرطي لتأمين الكلاسيكو في مونتجويك
في أجواء مشتعلة قبل كلاسيكو الأرض، قررت قوات الأمن في مدينة برشلونة الدفع بـ700 شرطي لتأمين مباراة ريال مدريد وبرشلونة اللي هتتلعب على ملعب مونتجويك الأولمبي، وده في محاولة لضمان إن اليوم يعدّي بسلام ومن غير أي مشاكل.
المصادر أكدت إن الأمن مش متوقع وجود عناصر متطرفة في المدرجات، بس ده ما منعهمش من اتخاذ أقصى درجات الحذر وفي تنسيق كبير شغال بين شرطة كتالونيا، وإدارة برشلونة، وشركات الأمن الخاصة علشان كل الجماهير اللي هتحضر تكون في أمان، سواء كانوا مدريديين أو كتالونيين.
الاستعدادات كمان شملت إجراءات تفتيش مشددة، وخطة مرورية محكمة علشان تنظيم دخول وخروج الجماهير من الاستاد والكلاسيكو دايمًا بيكون أكتر من مجرد ماتش كورة، وده بيخلي الأمن يتعامل معاه على إنه حدث ضخم لازم يمر من غير أي قلاقل.
الجماهير منتظرة مباراة نارية داخل الملعب، لكن بره الخطوط، الكل بيشتغل علشان يضمن إن الليلة تبقى كروية بس من غير أي شغب أو توتر.
