فران غارسيا يقفل على لامين جمال ويخطف الأنظار قبل الكلاسيكو
تاريخ النشر:
منذ 5 ساعة
فران غارسيا، المدافع اللي دايمًا الناس تشكك في قدراته، طلع وقال كلمته في نهائي كأس الملك ضد برشلونة، لما واجه واحد من أخطر المواهب في العالم حاليًا، لامين جمال، وقدر يحتويه بشكل عبقري يخليك تحترمه غصب عنك.
فران خلا لامين يسدد ٣ مرات بس في ١١٢ دقيقة، رقم قليل جدًا على لاعب زي جمال، اللي دايمًا بيشكل رعب في أي دفاع بيواجهه ولكن غارسيا كان مركز على الآخر، وقطع منه الكورة ٤ مرات من غير ما يرتكب ولا خطأ، وده يوضح إنه مش بس عنده لياقة، لأ كمان عنده ذكاء تكتيكي عالٍ جدًا.
الماتش الجاي ضد برشلونة في الكلاسيكو ممكن يكون بوابة جديدة لفران، خصوصًا إنه عايز يثبت نفسه قدام المدرب الجديد تشابي ألونسو، اللي أكيد هيراقب كل حاجة بتحصل في الماتش ده.
المدافع الإسباني أرسل رسالة واضحة لكل اللي شاكك في مستواه: “أنا هنا، وجاهز أكون جزء من مشروع ريال مدريد الجاي.”
أحدث الأخبار
saudionportal.com
