نيللي كريم بتتألق فـ أسبوع القفطان فـ مراكش وسط حضور كبير
بتشارك دلوقتي الفنانة نيللي كريم فـ فعاليات النسخه الـ 25 من أسبوع القفطان فـ مدينة مراكش بالمغرب، واللي جايه تحت شعار القفطان إرث بثوب الصحراء الحدث بيهدف لتسليط الضوء على التراث الثقافي الغني والصناعات اليدوية الصحراويه اللي بتشكل هويه الشعب المغربي.
أمس الجمعة كان في عرض أزياء مخصص للمواهب الشابة، اتعمل على هامش الفعالية، وشارك فيه عدد من المصممات الشابات اللي نافسوا بتصميماتهم وسط حضور كبيير من محبي الموضه والوجوه البارزه في عالم الأزياء.
لجنة التحكيم كانت مكونه من نجوم كبار زي المصمم المغربي روميو، والفنانه ميساء مغربي، والمصمم حسين أيت مهدي، واللي قيموا التصميمات على أساس الإبداع والأصاله وجودة التنفيذ.
وفي نهاية العرض، اتوجت المصممة الشابه زينب عقا بالجايزه الكبرى، وسط تصفيق كبير من الحضور وتشجيع لموهبتها الواعده.
الحدث كان مليان طاقه وإبداع، ونيللي كريم كانت لافتة الأنظار بإطلالتها المميزة، واللي أكدت من خلالها دعمها للفن والتراث فـ كل مكان.
