فيلم سيكو سيكو مكسر الدنيا فـ السينمات وبيعدي كل التوقعات
فيلم سيكو سيكو لسه مكمل نجاحه الكبير اللى بدأ بيه من أول يوم نزل فيه السينمات، وحقق امبارح الجمعه بس إيرادات وصلت لـ 2 مليون و138 ألف و329 جنيه، وبكده يكون الإجمالى الكلى اللى حققه لحد دلوقتي حوالي 165 مليون و860 ألف و188 جنيه.
الفيلم من بطولة عصام عمر وطه دسوقي، ومعاهم باسم سمرة، وتارا عماد، وديانا هشام، وكمان علي صبحي، وبيظهر فيه خالد الصاوي كضيف شرف القصة كتبها محمد الدباح، والإخراج كان لـ عمر المهندس.
أحداث الفيلم بتحكي عن اتنين شباب من عيلة بسيطه، بيلاقوا نفسهم فجأة عندهم ورث من عمهم بعد وفاته، لكن المفاجأه إن الورث ده مش فلوس، ده طلع بضاعة مش قانونيه فـ يقرروا يتصرفوا فيها عن طريق لعبة على التليفون هما اللي صمموها وسموها سيكو سيكو
الفيلم لسه بيتنافس مع أفلام تانيه بتتعرض دلوقتي زي الصفا الثانوية بنات نجوم الساحل استنساخ وفار بـ 7 أرواح لكن لحد دلوقتي سيكو سيكو هو اللي في المقدمه ومكمل تفوقه.
