كناريا وآسيا فـ فهد البطل خلوا الدنيا تولع تريندات
ميرنا نور الدين عملت حالة من التألق الكبير بدور كناريا فى مسلسل فهد البطل واللي قدمت فيه شخصية زوجة أحمد العوضى، وقدرت تلفت الأنظار بشكل كبير، وفضلت متصدرة التريند طول عرض المسلسل.
ونفس الحال كان مع يارا السكري اللى لعبت دور آسيا واللى تجوزها فهد فى الأحداث، وقدرت تسيب بصمة وتثبت نفسها بموهبتها اللى ظهرت بوضوح وسط نجوم كبار.
ميرنا ويارا ماوقفوش كتير بعد نجاحهم، لكن كل واحدة فيهم ابتدت تحضر لأعمال جديدة ميرنا داخله على مسلسل جديد اسمه أنا أنت أنت مش أنا قدام النجم معتصم النهار، وهتقدم شخصية مختلفة تمامًا عن كناريا، وبتدور الأحداث فى عالم الميتافيرس والسوشيال ميديا.
أما يارا، فبدأت بالفعل تصوير فيلم جديد اسمه صقر وكناريا مع محمد إمام، وبتقوم بدور البطولة النسائية فى الفيلم، بعد ما انضمت لأسرة العمل مؤخرًا.
الجدير بالذكر إن مسلسل فهد البطل ضم عدد كبير من النجوم، على رأسهم أحمد العوضي، محمود البزاوي، لوسي، أحمد عبد العزيز، وغيرهم كتير من الوجوه اللي أبدعت، وكان من أنجح مسلسلات رمضان 2025.
