هانز فليك يحسم موقف ليفا وبالدي من لعب الكلاسيكو أساسيين
قبل الكلاسيكو اللي العالم كله مستنيه، مدرب برشلونة هانز فليك طلع في المؤتمر الصحفي وقال كلمته بصراحة عن موقف روبرت ليفاندوفسكي وأليخاندرو بالدي من المشاركة في التشكيلة الأساسية قدام ريال مدريد.
فليك رد على سؤال عن إمكانية البدء بيهم كأساسيين وقال: “كأساسيين؟ لا أعتقد ذلك في الوقت الحالي.”
التصريح ده وضّح إن الاتنين مش في الجاهزية الكاملة اللي تخليهم يبدأوا المباراة من أول دقيقة، خصوصًا بالدي اللي راجع من إصابة، واللي واضح لسه مش 100%.
كمان فليك مدح فيران توريس وجيرارد اللي بيقدموا أداء ممتاز في الفتره دي، وده بيخلي فرصة الاتنين الأساسيين تقل أكتر.
فليك كمل كلامه وقال إن مشاركة بالدي وليفا كبدلاء في الشوط التاني احتمال كبير، ووضح إن تركيزه مش بس على الكلاسيكو، لكن كمان على باقي المباريات اللي جاية، لإن الموسم لسه مخلصش.
برشلونة داخل على الكلاسيكو وسط ضغوطات كبيرة بعد الخروج من دوري الأبطال، والكل مترقب مين هيلعب ومين لأ وبس فليك واضح إنه ماشي بحذر وبيحسب كل خطوة، عشان الفريق يقدر يكمل الموسم بأقل خسائر ممكنة.
