النجم المصري محمد صلاح عبر عن تطلعه الكبير للفوز بجائزة الكرة الذهبية هذا الموسم، ولكن في نفس الوقت قال إن الموضوع مش في إيده تمامًا.
محمد صلاح أوضح في تصريحاته الأخيرة إنه بيأمل إن الجائزة تكون من نصيبه، لكنه مش هيكون زعلان لو مكنش هو اللي فاز بيها.
وقال صلاح: “الأمر مش في إيدي، لكن طبعًا بتمنى أحقق الجائزة. نفسي أخدها علشان الناس اللي وقفوا معايا، لكن لو ما جتش، المسيرة بتاعتي لسه ناجحة”.
التصريح ده جاي في وقت فيه تنافس كبير على الجائزة، خصوصًا مع وجود نجوم زي رافينيا، عثمان ديمبيلي، كيليان مبابي، لامين وبيدري، اللي كلهم عملوا موسم ممتاز.
والمنافسة السنة دي مش سهلة أبدًا، وكل لاعب منهم عنده حظوظ كبيرة إنه يفوز بالكرة الذهبية ولكن رغم كل المنافسين، صلاح دايمًا بيشكر ربنا على المسيرة الناجحة اللي وصل لها، وكل خطوة في طريقه كانت مليانة تعب وتفاني.
صلاح بيأكد دايمًا إن الجائزة مهمة، لكن الأهم هو إن مسيرته تكون مميزة وبيحقق أهدافه مع فريقه ليفربول ومنتخب مصر، سواء فاز بالكرة الذهبية أو لأ.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
