بيلينغهام ممكن يدخل غرفة العمليات في الصيف بسبب إصابة الكتف
يبدو إن نجم ريال مدريد، جود بيلينغهام، هيضطر يدخل غرفة العمليات في الصيف الجاي علشان يتخلّص من إصابة الكتف اللي بتلاحقه من أكتر من سنة ونص، وده حسب كلام الصحفي خوسيه فيليكس دياز.
اللاعب الإنجليزي بيلعب من فترة وهو لابس دعامة خاصة على كتفه، علشان يقدر يتحمّل الألم ويكمل مع الفريق، خصوصًا في الموسم اللي بيقدّم فيه مستويات كبيرة مع الميرينغي وبس رغم إن الدعامة دي ساعدته يكمّل، إلا إن التقارير من داخل النادي بتقول إن مفيش حل نهائي غير الجراحة.
كل المؤشرات من داخل ريال مدريد بتشير إن الصيف الجاي هو أنسب وقت للعملية، بعد نهاية الموسم مباشرة، علشان يكون عنده وقت كفاية يتعافى ويدخل الموسم الجديد وهو جاهز 100%، من غير أي حماية إضافية أو مخاطرة بالإصابة تاني.
بيلينغهام واحد من أهم عناصر ريال مدريد حاليًا، والنادي مش عايز يخسر خدماته الموسم الجاي، علشان كده بياخدوا خطوة محسوبة لضمان سلامته على المدى البعيد.
