ناصر الهويدي قلقان من جاهزية لاعبي الهلال قبل كأس العالم
أبدى الناقد الرياضي المعروف ناصر الهويدي قلقه من جاهزية لاعبي الهلال الجدد قبل انطلاق بطولة كأس العالم للأندية، اللي الكل مستنيها بفارغ الصبر.
الهويدي قال إن المرحلة اللي بيمر بيها الفريق دلوقتي حساسة جدًا، خصوصًا مع وجود عناصر جديدة محتاجة تندمج بسرعه مع المجموعة القديمة. وأكد إن الجهاز الفني لازم يشتغل بتركيز علشان يخلق الانسجام المطلوب قبل البطولة الكبيرة.
وطلب من جمهور الهلال يكون صبور ويدعم الفريق في الوقت ده، وقال بالحرف: “النجاح في المرحلة هذي ما يجي إلا بتفكير استراتيجي وصبر”، وفعلاً كلامه منطقي، لأن الفريق داخل على بطولة عالمية قدام أعين العالم كله.
الهلال مش فريق صغير، والضغط عليه دايمًا عالي بسبب تاريخه الكبير وإنجازاته اللي صعب أي فريق يكررها والهويدي ختم كلامه وقال إن طبيعي التحديات تكبر لما يكون الفريق دايمًا في القمة، ودي ضريبة النجاح.
دلوقتي الكورة في ملعب اللاعبين والجهاز الفني، والجمهور عليه دور كبير إنه يوقف مع فريقه، لأن البطولة الجاية ما تحتمل أي تخبط.
