كوليبالي ينجو من الإيقاف المحلي والهلال يقدر يشركه قدام الرائد
كشفت تقارير صحفية تطورات جديده بخصوص وضع مدافع الهلال السنغالي كاليدو كوليبالي، بعد طرده في مباراة الأهلي بنصف نهائي دوري أبطال آسيا، واللي خلّت جماهير الزعيم تسأل: يقدر يلعب قدام الرائد ولا لا؟
الصحفي عيسى سعيد قال إن الاتحاد الآسيوي قرر إيقاف كوليبالي مباراة وحده بس، بسبب الطرد اللي جا من إنذارين، مو طرد مباشر، وهذا يعني إن الإيقاف ما يشمل مباريات الدوري، بس على مستوى البطولة الآسيوية الجايه، إذا الهلال شارك فيها والغرامة كانت 1500 دولار بس، ما هي شي كبير.
يعني الهلال يقدر يدخل كوليبالي بشكل طبيعي قدام الرائد، وما عليه أي مشاكل قانونية من هالناحية.
الزعيم حالياً بالمركز الثاني في دوري روشن بـ65 نقطة، وراه منافسة قوية مع الاتحاد اللي متصدر بـ71 نقطة، وكل مباراة صارت مثل النهائي.
جمهور الهلال ارتاح شوي بعد هالخبر، خصوصًا إن الفريق ما يتحمّل غيابات مؤثرة بهالمرحلة الحاسمة من الموسم.
