جوميز قريب من الأهلي بعد سنين خصام وقضيه قديمه معلقة
المدرب البرتغالي جوزيه جوميز قرب يرجع مصر من تاني، بس المره دي عن طريق الأهلي بعد ما حصل اتفاق مبدأي بينه وبين إدارة النادي الأحمر ودي تعتبر المحاوله التانيه بعد فشل المفاوضات في صيف 2018 واللي وصلت ساعتها لمحاكم ومشاكل قانونيه.
جوميز، اللي عنده 54 سنه، كان ماسك تدريب الزمالك الموسم اللي فات وحقق معاهم الكونفدرالية والسوبر الإفريقي، لكن رحل في ديسمبر بعد ما اتعاقب بالإيقاف مباراتين وغرامه 50 ألف جنيه بسبب اللي حصل منه قدام المصري.
القصه بدأت من 2018 لما الأهلي كان بيدور على بديل لحسام البدري، واتفق فعلاً مع جوميز اللي وقع العقود لكنه فجأه اختفى واعتذر عن السفر، وبعدها بأيام مسك تدريب ريو آفي البرتغالي، ووقتها الأهلي قرر يرفع عليه قضيه علشان يحافظ على حقه.
جوميز درب 15 نادي خلال مشواره، وأكتر فتره قعد فيها كانت مع التعاون السعودي لمدة سنه وتسع شهور، ومعظم الأندية التانيه مكملش فيها سنه، وأشهر بطولاته كانت السوبر السعودي مع أهلي جده.
دلوقتي لو رجع جوميز للأهلي، هيبدأ وهو عليه عقوبه سابقة، ولسه مش واضح إذا كان الأهلي هيطعن على القرار ولا هيبدأ معاه من غير مشاكل.
