يونايتد يحدد سعر بيع أنتوني وبيتيس وأتليتكو مهتمين بضمه
مانشستر يونايتد قرر يبيع الجناح البرازيلي أنتوني، اللي معار حاليًا لفريق ريال بيتيس الإسباني، وده من وقت الانتقالات الشتويه اللي فاتت.
وبحسب موقع فوتبول إنسايدر، إدارة الشياطين الحمر حددت سعر بيع اللاعب ما بين 20 لـ30 مليون جنيه إسترليني خلال السوق الصيفي الجاي.
أنتوني عنده 25 سنه وبيقدّم مستويات حلوه مع بيتيس، وساهم بشكل كبير في وصول الفريق لنهائي دوري المؤتمر الأوروبي بعد ما عدّوا فيورنتينا في مجموع الذهاب والعوده 4-3.
اللاعب لعب 21 ماتش مع بيتيس في كل البطولات، سجل 8 أهداف وصنع 5، وده خلاه مطلب أساسي للنادي الأندلسي اللي عايز يشتريه بشكل نهائي.
ريال بيتيس ناوي يقدم عرض رسمي بـ20 مليون إسترليني، بس ممكن الفلوس تبقى عائق قدام الصفقة.
وفي نفس الوقت، الصحف الإسبانية قالت إن أتلتيكو مدريد بيفكر يتدخل ويقدّم عرض رسمي، وده ممكن يولع المنافسة على ضم اللاعب في الصيف.
الايام الجايه هتوضح مين فيهم هيكسب توقيع الجناح البرازيلي.
