كاسيميرو يقرّب يعتزل في مانشستر والنادي ناوي يمدد عقده
طلعت تقارير إنجليزية اليوم السبت، تقول إن كاسيميرو ممكن يكمل مع مانشستر يونايتد الموسم الجاي، ومش بعيد يعتزل هناك كمان.
اللاعب البرازيلي بدأ يرجع لمستواه المعروف بعد ما استلم روبن أموريم تدريب الفريق، وبقى عنصر أساسي ومؤثر في وسط الملعب.
الناس في النادي شايفين إن خبرته وشخصيته القيادية فارقة جدًا، خصوصًا في وقت الفريق بيحاول يرجّع مكانته بين كبار أوروبا.
وكمان كاسيميرو مرتاح في مانشستر، وعنده استعداد يكمل مشواره الكروي في أولد ترافورد.
النادي معاه بند يمدد عقده سنة كمان لحد 2027، وبيفكروا بجدية إنهم يفعّلوه، خصوصًا بعد مستواه اللي قدّمه مؤخرًا، واللي كان فيه دور كبير بتأهل الفريق لنهائي الدوري الأوروبي بعد ما سجل هدفين في نصف النهائي ضد أتلتيك بلباو.
اللي يضحك إن في بداية الموسم كان فيه كلام كتير عن إنه هيمشي، واتربط اسمه بالدوري السعودي، بس الظاهر إن الأمور اتغيّرت وكاسيميرو ناوي يختم مشواره بقميص الشياطين الحمر.
