جوارديولا بعد تعادل السيتي: ملعب ناشف وخطة دفاع ساوثهامبتون قتلتنا
في مفاجأه مش متوقعه، مانشستر سيتي اتعادل سلبي مع ساوثهامبتون في الجولة ٣٦ من الدوري الإنجليزي، والماتش اتلعب النهارده السبت وسط أجواء حر مش طبيعيه وصعوبة كبيرة في اللعب بسبب أرضية الملعب.
بيب جوارديولا، مدرب السيتي، ماخدش وقت وطلع يعلق بعد المباراة على طريقة لعب ساوثهامبتون وقال: “أنا باحترم قرارات الفرق التانية، لو قرروا يدافعوا، ده شغلهم، وإحنا علينا نكسر دفاعهم لكن بصراحه، فشلنا في ده النهارده”.
بيب وضّح كمان إن اللعب ضد فريق بيقفل المساحات مش سهل خالص، وده حصل معاه قبل كده في مسيرته وبس الغريب إن حتى مع خبرة السيتي، ماقدروش يخترقوا دفاع ساوثهامبتون المرة دي.
وأضاف جوارديولا: “لازم نتحسن، ولازم نكون أسرع وأكثر ديناميكية بس بصراحة، حتى السرعة كانت صعبه، لأن الملعب كان ناشف والشمس حرقتنا، والجو كان صعب جدًا”.
السيتي كان محتاج الفوز بشدة علشان يفضل قريب من الصدارة، لكن ساوثهامبتون عرف يقفل اللعب كويس ويمنع أي خطورة حقيقية على مرماه.
النتيجة دي ممكن تأثر على شكل المنافسة في آخر جولات الدوري، خصوصًا لو ليفربول أو آرسنال استغلوا التعثر ده.
