جمهور الكورة الإنجليزيه هيكون على موعد حماسي بكرا الأحد، لما يلتقي تشيلسي مع نيوكاسل يونايتد في قمة الجولة الـ36 من الدوري الإنجليزي الممتاز والماتش ده الكل مستنيه، خصوصًا إنه جاي في توقيت حساس، وكل فريق عاوز يثبت نفسه قبل نهاية الموسم.
بس المشكلة الأكبر عند تشيلسي، اللي داخل اللقاء وفيه شوية غيابات هتأثر بشكل واضح على التشكيلة ومن أبرز الغايبين المدافع ويسلي فوفانا اللي إصابته خلت الدفاع عند البلوز مكشوف شوية، وكمان المهاجم كريستوفر نكونكو اللي الكل كان مستني يشوفه بشكل منتظم، لكن الحظ مانصفوش الموسم ده.
نيوكاسل كمان عنده غيابات، بس تأثيرها أقل مقارنة بتشيلسي، وده ممكن يخلي الكفة تميل شوية لفريق نيوكاسل لو عرف يستغل الموقف والفريقين بيعانوا من تذبذب في الأداء الفتره الأخيره، فالماتش هيكون فرصه كويسه لحد فيهم يستعيد الثقة.
كل العيون هتكون على الستامفورد بريدج، والجماهير عاوزه تشوف مين هيقدر يحسم المواجهة، وهل البلوز يقدروا يتجاوزوا الإصابات ويخطفوا فوز مهم؟ ولا نيوكاسل عنده كلام تاني؟
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
