تصويت جماهير ESPN: برشلونة الأقرب للفوز بالكلاسيكو ضد ريال مدريد
مع اقتراب موقعة الكلاسيكو المنتظره بين برشلونة وريال مدريد، واللي هتتلعب بكرا الأحد ضمن الجولة ٣٥ من الدوري الإسباني، كشفت شبكة ESPN عن نتيجة التصويت الإلكتروني اللي شارك فيه عدد كبير من جماهير الكورة حوالين العالم.
النتيجة كانت مفاجئة لبعض الناس، بس بالنسبة لجمهور برشلونة كانت متوقعه، لأن 60٪ من المصوتين شايفين إن البارسا هو الأقرب للفوز بالكلاسيكو، مقابل 40٪ فقط راهنوا على ريال مدريد ودي نسبه بتقول كتير عن الحالة المعنوية لجمهور الفريقين قبل المواجهه.
الجمهور شايف إن برشلونة أقوى فنياً في الوقت الحالي، أو يمكن حاسس إن الفريق عنده دافع أكبر خصوصًا وإن النتيجة ممكن تحسم لقب الليغا بشكل كبير وعلى الناحيه التانية، ريال مدريد داخل الكلاسيكو وهو محتاج الفوز بأي شكل عشان يفضل في الصورة، ولو خسر أو حتى اتعادل، فرصه في الدوري هتقل جدا.
اللي أكيد إن المباراة هتكون مشتعله، وكل فريق عاوز يثبت نفسه في الموقعة دي، ونتيجة التصويت مش أكتر من توقعات، إنما الحسم الحقيقي هيكون على أرضية الملعب.
