الأرصاد تعلن مفاجأه في درجات الحراره ابتداء من يوم الاتنين
كشفت الهيئه العامه للأرصاد الجويه عن مفاجأه بخصوص حاله الطقس، وقالت إن البلاد هتشهد تغيرات كبيره في درجات الحراره من يوم الاتنين 12 مايو 2025، بعد الموجه الشديده اللي ضربت مصر الأيام اللي فاتت.
وقالت الهيئه إن في انخفاض واضح هيحصل في درجات الحراره على شمال البلاد لحد القاهره الكبرى وشمال الصعيد، والدرجات هتنزل حوالي من 7 لـ 8 درجات، وده هيخلي الطقس يرجع معتدل شوية بعد الحر الشديد.
وبتتوقع الأرصاد إن درجات الحراره هتكون يوم الاتنين في السواحل الشماليه من 23 لـ 24، وفي القاهره الكبرى 32 لـ 33، وشمال الصعيد حوالى 33 لـ 34.
أما بخصوص بكرا الأحد 11 مايو، فده هيكون ذروة الموجه الحاره، وهيسود طقس شديد الحراره على أغلب المناطق، لكن بالليل هيكون معتدل.
وكمان في شبوره مائيه هتظهر الصبح على الطرق السريعه، وخصوصا القريبه من المياه، وفي نشاط رياح مثيره للأتربه والرمال في مناطق كتير، خصوصًا المكشوفه.
ودرجة الحراره في القاهره هتوصل لـ40، والإسكندريه 32، وسوهاج 42، وأسوان وقنا 43، يعني لازم الناس تاخد حذرها.
