وزير خارجية إيران بيزور السعوديه لبحث ملفات إقليميه ودوليه مهمه
وصل عباس عراقجي، وزير الخارجيه الإيراني، للمملكه العربيه السعوديه النهارده السبت، على رأس وفد دبلوماسي رفيع، وده بهدف عقد محادثات مع كبار المسؤولين السعوديين بخصوص عدد من الملفات المهمه اللى بتخص المنطقه والعالم.
وقالت وكالة أنباء تسنيم الإيرانيه، إن الزياره دي هتتناول تعزيز العلاقات بين طهران والرياض، واللى بدأت تتحسن بشكل تدريجي الفتره الأخيره بعد سنين من التوتر والخلافات، وكمان هيتم مناقشة التطورات الإقليميه، خصوصًا اللى ليها علاقه بالأوضاع في اليمن، لبنان، وسوريا، وكمان ملفات دوليه زي الاتفاق النووي الإيراني.
المحادثات دي بتعتبر واحده من أهم الخطوات في مسار تقارب العلاقات بين البلدين، واللي بدأت بعد وساطات من دول زي العراق وسلطنة عمان.
ومن المقرر كمان إن عراقجي هيكمل جولته من السعوديه ويتجه مساء النهارده لدولة قطر، علشان يشارك في مؤتمر الحوار بين إيران والعالم العربي، واللي هيضم مسؤولين ومفكرين من كذا دوله عربيه.
الزياره دي بتعكس نوايا سياسيه من الطرفين لفتح صفحه جديده وتجاوز الخلافات الطويله اللي أثرت على استقرار المنطقه.
