الحكومه توضح أراضي قناة السويس حق إنتفاع مش بيع ملكيه
أكد المستشار محمد الحمصاني، المتحدث بإسم مجلس الوزراء، إن الكلام المنتشر على السوشيال ميديا حوالين قناة السويس وملكية الأراضي فيه كتير من عدم الدقه، وإن التخوفات المنتشره مش مبرره، ووضح إن رئيس الوزرا مصطفى مدبولي قال إن الكلام عن بيع أراضي ملوش أساس من الصح.
وفي مداخله تلفونيه مع برنامج الساعة 6 على قناة الحياة، قال الحمصاني إن المنطقه الاقتصاديه بقناة السويس شغاله بنظام حق الإنتفاع يعني الأرض بتفضل ملك الدوله بس المطور الصناعي بيبني عليها البنية التحتيه ويجهزها وبعدين يديها للمستثمرين يشتغلوا عليها، وده النظام اللي شغال بيه من زمان مش حاجه جديده.
وكشف كمان إن فيه 14 مطور صناعي شغالين في المنطقه الاقتصاديه، وإن شركة مواني أبو ظبي هتكون المطور رقم 15، وإن كل ده بعيد تماماً عن المجرى الملاحي لقناة السويس، واللي بتشرف عليه هيئه تانيه مستقله.
وختم كلامه إن الهيئه العامه للمنطقه الاقتصاديه هي اللي مسؤوله عن تطوير الأراضي اللي جنب القناه، ومفيش أي علاقه بينها وبين الممر الملاحي نفسه ولا القواعد اللي بتحكمه.
