استقبل الدكتور بدر عبد العاطي، وزير الخارجيه والهجره، المستشاره أمل عمار، رئيسة المجلس القومي للمرأه، في لقاء ودي ناقشوا فيه جهود دعم وتمكين الست المصريه الوزير أشاد بالمجلس ودوره الكبير في رفع مكانة المرأه ومشاركتها في المجتمع، وقال إن ده جاي من اهتمام الدوله الكبير بالموضوع ده وبدعم مباشر من الرئيس السيسي.
الوزير قال إن الستات بقى ليهم دور مهم في كل المجالات، والمجلس القومي للمرأه ليه حضور قوي كمان في المحافل الدوليه، خصوصًا وقت جلسة الاستعراض الدوري في مجلس حقوق الإنسان، اللي اتعرض فيها كل الشغل اللي اتعمل في ملف تمكين المرأه.
اللقاء كمان اتكلم عن الاستراتيجيه الوطنيه لتمكين المرأه 2030، والخطوات العمليه اللي بتتعمل علشان تطبقها، وكمان الاستراتيجية الوطنيه لحقوق الإنسان واللي واحد من محاورها الأساسيه هو حقوق المرأه.
رئيسة المجلس عرضت للوزير عدد من المبادرات والأنشطه اللي بيقوم بيها المجلس لدعم الستات المصريات في كل نواحي الحياه، والوزير أكد دعمه الكامل لكل الجهود دي.
