مركبه فضاء روسيه قديمه سقطت النهارده بعد سنين من ضياعها
النهارده السبت سقطت مركبة فضاء روسيه قديمه كانت ضايعه في الفضاء من أكتر من 50 سنه، وده بعد ما فشلت مهمتها تروح كوكب الزهره، حسب ما أعلن الاتحاد الأوروبي لتتبع الفضاء المركبه اسمها كوزموس 482 واتأكد إنها دخلت الغلاف الجوي بطريقه مش متحكم فيها واختفت من المدار.
وكالة الفضاء الأوروبيه كمان أكدت الموضوع، وقالت إن مافيش أثر ليها على الرادارات، خصوصاً الرادار الألماني اللي كان بيراقبها لحد دلوقتي مش معروف هي دخلت منين ولا إذا كان فيه حاجه من أجزاءها وصلت الأرض ولا اتحرقت كلها.
المركبه دي كانت جزء من برنامج فضاء سوفيتي من سنة 1972، بس الصاروخ اللي كان شايلها فشل يخرجها من المدار الأرضي أغلب أجزائها وقعت من زمان، لكن كبسوله تقيله كانت مكمله في الفضاء، مصنوعه من التيتانيوم علشان تتحمل حراره الزهره العاليه.
العلماء قالو إن فرصه إصابة أي حد بالحطام ضعيفه جداً، لكن برضو المركبه دي كانت تحت المراقبه عشان احتماليه إنها تنجو جزئياً، وده اللي خلى سقوطها النهارده ملفت للانتباه.
