هادي الباجوري يرفض تصنيف “السينما النظيفة” ويشوفها خنقة للإبداع الفني
المخرج هادي الباجوري قالها بصراحة ومن غير لف ولا دوران، هو ضد فكرة تصنيف الأفلام بتسميات زي “السينما النظيفة” أو “سينما المرأة”، واعتبرها كلام مش دقيق وبيأثر بالسلب على حرية الإبداع وصناعة السينما نفسها.
في حوار مع الإعلامية شيرين سليمان ببرنامج “سبوت لايت”، قال: “أنا ضد الحتة دي، ده فيلم أكشن، ده رومانسي، لكن مش نظيف ومش نظيف؟ ده تصنيف غير فني خالص”.
هادي وضّح إن الموضوع بدأ بكلمة، بس الإعلام كبّرها وخلاها معيار بيحكم على الفيلم من غير ما الناس تشوفه، فبقى الفنان متصنف على أساس الفيلم نظيف ولا مش، وده على حد تعبيره: “مش حلو خالص”.
وضرب مثال وقال لو بيعمل فيلم عن تحية كاريوكا، مش هيلاقي حد يعمل الدور علشان الموضوع بقى محسوب بدقة، والبنات بترفض تلبس بدلة رقص علشان مفيش حاجة اسمها “نضيفة” هناك.
في النهاية، الباجوري شاف إن ده بيكسر جناحات المخرج والممثل وبيكتم على الإبداع، وأضاف: “أنا كفنان، مش عايز قوانين مفروضة مالهاش لازمة”.
كأن لسان حاله بيقول: “سيبوا الفن ياخد راحته!”
