عمرو أديب يعلق على تعادل الزمالك وخسارة بيراميدز: “الأهلي أخذ الدوري”
علق الإعلامي عمرو أديب على تعادل الزمالك مع سيراميكا كليوباترا وخسارة بيراميدز من البنك الأهلي، مما ساعد النادي الأهلي في تصدر جدول ترتيب الدوري المصري.
وقال عمرو أديب خلال برنامجه “الحكاية” على قناة MBC مصر: “أنا كنت غلطان في تقديري لما تخيلت أن الأهلي مش جدير بالدوري، الأهلي أخد الدوري خلاص.
هو لو إحنا مش عارفين نلعب ولا عندنا لاعيبة وطموح، الأهلي مش هيتأثر، هو عنده الروح والاصرار”.
وتابع عمرو أديب: “إحنا عاوزين الأهلي يقع، لكن الأهلي مش هيسقط، إحنا فقط اللي بنقع. عايزين نعيد الماتش؟ تمام، مش مهم بالنسبة لنا.
أنا مركب دعامة، إحنا بس موجودين علشان الأهلي ياخد الدوري”.
وأشار أديب إلى أنه لا يوجد ظلم للنادي الزمالك، مضيفًا: “إوعى تسمع حد زملكاوي يقول مظلومين، أنتم مش مظلومين، أنتم ظالمين.
فين مجلس إدارة النادي؟ الوضع مش سهل ولا في حيلة”.
ويتصدر الأهلي جدول الدوري المصري برصيد 49 نقطة، يليه بيراميدز في المركز الثاني بـ47 نقطة، والزمالك في المركز الثالث بـ41 نقطة.
