لامين جمال يوجه رسالة مؤثرة قبل الكلاسيكو المنتظر ضد ريال مدريد
في وقت حساس بعد الخروج الأوروبي وقبل المواجهة المرتقبة ضد ريال مدريد، نجم برشلونة الشاب لامين جمال خرج برسالة قوية ومؤثرة على حسابه الرسمي في إنستغرام وقال فيها:
“مجـدنا الأكبر لا يكمن في عدم السقوط أبدًا، بل في قدرتنا على النهوض في كل مرة نسقط فيها.”
الكلام ده مش مجرد اقتباس، ده بيعكس الحالة النفسية اللي عايشها لاعبي برشلونة دلوقتي والكل حاسس بالضغط، الجمهور زعلان، والإعلام ما بيرحمش، لكن واضح إن الشباب زي لامين جمال رافعين شعار “مافيش استسلام”.
برشلونة داخل على كلاسيكو مصيري، ممكن يحدد شكل الدوري بنسبة كبيرة ومع إن الفريق طالع من صدمة دوري الأبطال، لكن زي ما قال جمال، المهم مش إنك ماتقعش، المهم تقوم وتقاتل.
الرسالة دي فيها روح حلوة، ويمكن تكون دافع لغرفة الملابس في الوقت الصعب ده والأكيد إن الجمهور مستني يشوف رد الفعل الحقيقي قدام ريال مدريد.
