من أين جاء لقب “الكلاسيكو” بين ريال مدريد وبرشلونة؟
مباراة ريال مدريد ضد برشلونة، أو كما نحب نقولها “الكلاسيكو”، هي واحدة من أشهر وأكتر المباريات المثيرة في عالم كرة القدم. الكل بيشوفها، سواء مشجعين لريال مدريد أو برشلونة، أو حتى مشجعين فرق تانية وبس يمكن كتير مننا مش عارفين منين جت التسمية دي وليه بتسمى “الكلاسيكو”.
حسب ما جت في صحيفة ماركا الإسبانية، مصطلح “الكلاسيكو” بدأ ينتشر في عشرينيات القرن الماضي، لما كانت كرة القدم في إسبانيا بتنمو بسرعة ووقتها الصحافة الرياضية بدأت توصف لقاءات ريال مدريد وبرشلونة بـ”الكلاسيكية” بسبب قوتها الفنية والجماهيرية، وكانوا يشوفوا إن المباراة دي بتجمع بين اثنين من أقوى الفرق في إسبانيا.
ورغم إن أول مباراة رسمية بين الفريقين كانت في 13 مايو 1902، إلا إن المنافسة بين ريال مدريد وبرشلونة مش مجرد مباراة رياضية بس، ده كانت كمان تعكس صراع سياسي وثقافي بين العاصمة مدريد ومنطقة كاتالونيا وده كان جزء كبير من اللي خلى “الكلاسيكو” له طابع خاص، مش مجرد ماتش كورة زي أي ماتش تاني.
ومع مرور الوقت، اسم “الكلاسيكو” بقى مترسخ في عقول كل مشجعي كرة القدم، وأصبح هو العنوان اللي بيجمع أهم وأكبر المواجهات في الليغا الإسبانية ودلوقتي بقى الكلاسيكو مش بس مباراة بين ريال مدريد وبرشلونة، ده أصبح حدث عالمي بيتابعه ملايين من الناس حول العالم.
