جواو بالينيا يعترف إن موسمه الأول مع بايرن كان الأصعب
اعترف النجم البرتغالي جواو بالينيا إن موسمه الأول مع بايرن ميونخ كان فعلاً الأصعب في مسيرته الكروية، وده بسبب الإصابة اللي لحقت بيه في نوفمبر اللي فات، واللي أثرت بشكل كبير على مستواه وعلى فرصه في اللعب بشكل منتظم مع الفريق الألماني.
بالينيا قال في تصريحات صريحه: “كان أصعب موسم في مسيرتي. الإصابة في نوفمبر مأثرتش عليا كويس خالص، بس دلوقتي حالتي البدنية ممتازة وعايز ولازم أُثبت نفسي وأوري الناس أنا أقدر أعمل إيه… الموضوع في إيدي.”
اللاعب كمان أكد إنه اتعلم كتير من التجربة دي، وقال: “مش أول مرة ألاقي نفسي في موقف صعب، لكن المواقف دي هي اللي بتخليك تكبر وتتطور وتفهم الحياة الكروية أكتر.”
وفي الآخر، بالينيا وضّح إن كل تركيزه على المستقبل، وأضاف: “هدفي الشخصي في الموسم الجاي هو إني أثبت أهميتي للنادي، وأثبت إني صفقة تستحق الثقة اللي إدارة بايرن حطّتها فيا.”
جماهير بايرن ميونخ مستنيين يشوفوا نسخة مختلفة من بالينيا في الموسم الجاي، خصوصًا مع جاهزيته البدنية واصراره الواضح إنه يثبت نفسه ويكمل المشوار بنجاح.
