تشابي ألونسو يختار السكن جنب مبابي قبل ما يستلم تدريب الريال
ريال مدريد بيقرب أكتر وأكتر من الإعلان الرسمي عن تعيين تشابي ألونسو مدرب جديد للفريق بدل كارلو أنشيلوتي، اللي اتفق مع الإدارة على الرحيل بنهاية الموسم بشكل ودي ومحترم.
وفي خطوة بتأكد قربه من العودة، ألونسو اختار السكن في حي “إل فيسو” الراقي في قلب مدريد، وده نفس المكان اللي قرر كيليان مبابي يعيش فيه بعد انضمامه للريال ويعني ممكن نقول إن مبابي وألونسو هيبقوا جيران الموسم الجاي!
الحي راقي جدًا ومكانه مميز، على بُعد كام دقيقة من ملعب سانتياغو برنابيو، وده يخلي تنقلاتهم سهلة وسريعة خصوصًا في فترة التحضيرات وألونسو اختار فيلا فاخرة قيمتها حوالي 15 مليون يورو، وده بيدينا لمحة عن الجدية اللي داخل بيها للمهمة دي.
المدرب الباسكي راجع مدريد وهو شايل على كتافه مسؤولية كبيرة، خصوصًا بعد موسم الريال اللي اتعرض فيه الفريق لإصابات كتير، رغم الأداء الفردي الخرافي من مبابي اللي شايل الهجوم على كتافه.
ألونسو ناوي يبدأ صفحة جديدة مع فريقه القديم، ويحاول يرجّع الهيبة والسيطرة على البطولات، خصوصًا بعد التتويج بالثنائية الموسم اللي فات والكل مستني يشوف لمسته التدريبية اللي أبهرت أوروبا مع ليفركوزن، وهيعمل بيها إيه وسط نجوم بحجم الريال.
