الهلال لسه متمسك برافينيا وبيجهز عرض ضخم للبرازيلي
في أخبار بتتداولها الصحافه الإسبانيه صباح اليوم، الهلال السعودي لسه بيلاحق النجم البرازيلي رافينيا لاعب برشلونة، وبيخطط يضمه الصيف الجاي لتعزيز الفريق قبل كاس العالم للأنديه 2025.
الهلال ناوي يقدم عرض قوي جداً للاعب، مش بس عقد طويل يضمن له الاستقرار، لكن كمان راتب ضخم أكبر من اللي بياخده دلوقتي في برشلونه، وده ممكن يخليه من أغلى اللاعبين أجرًا في العالم.
مع إن رافينيا مرتاح في برشلونة ومش ناوي يسيب الفريق، خصوصًا بعد تألقه الأخير وتتويجه بدوري أبطال أوروبا، إلا إن مشاكل برشلونة الماليه ممكن تخلي الإدارة تفكر تبيع اللاعب لو جالهم عرض قوي، زي عرض الهلال.
الهلال عايز يبني فريق قوي يقدر ينافس عالمياً، ورافينيا ممكن يكون إضافه كبيره سواء فـ الدوري أو البطولات الخارجيه.
دلوقتي الكوره في ملعب برشلونه، هل هيضحوا باللاعب مقابل الفلوس؟ ولا هيتمسكوا بيه؟ الأيام الجايه هتوضح.
