إريك غارسيا بعد الكلاسيكو: مش عايز ألعب ظهير تاني!
إريك غارسيا، مدافع برشلونة، خطف الأنظار في الكلاسيكو الأخير قدام ريال مدريد، اللي انتهى بفوز البارسا 4-3، مش بس لأنه لعب كويس، لكن كمان لأنه لعب في مركز مش معتاد عليه: الظهير الأيمن.
بس بعد الماتش، الراجل طلع صريح وقالها من الآخر: “ياريت ما يغيروش مركزي تاني!” غارسيا وضّح إن تجربته مع ميشيل في جيرونا الموسم اللي فات ساعدته يشوف الأمور من زاوية تانية، وقال: “كان من الصعب عليّا أتقبل فكرة اللعب في أكتر من مركز، بس التجربة دي خلتني أقدر ألعب كلاسيكو كأساسي، حتى في مركز مش بتاعي.”
اللاعب أضاف لمسة حاسمة في الماتش، وسجل جول مهم ساهم في فوز برشلونة وتعزيز صدارته ومع إنه أبدع كظهير، إلا إنه لسه حاسس إن قلب الدفاع هو بيته الحقيقي، وده واضح من كلامه عن تفضيله لعدم تغيير مركزه تاني.
غارسيا كمان ذكر إن كان ممكن حد تاني ياخد مكانه زي هيكتور فورت، بس هو كان جاهز واغتنم الفرصة وده بيبين قد إيه التطور الذهني عند اللاعب بقى ناضج، ومش بس بيقدي في الملعب، لكن كمان بيعرف يتكلم عن نفسه بثقة وواقعية.
في النهاية، غارسيا بيثبت كل يوم إنه جوكر في خط الدفاع، بس هو عايز يبقى جوكر بمزاجه مش بالإجبار!
