ريهام عبد الحكيم تبهر جمهورها بحفل قصر عابدين وأحلى سيلفي
ريهام عبد الحكيم نورت قصر عابدين بحفل غنائي مميز، وقدمت فيه باقة من أحلى أغانيها وسط أجواء كلها نور وفرحة، زي ما وصفت بنفسها.
ونزلت صور من الحفله على إنستجرام، وكتبت تعليق فيه كتير حب وقالت: “من قلبي.
ومن داخل قصر عابدين الرئاسي ووسط كل النور والفرحة دي، كان لازم آخد أحلى سيلفي مع أجمل جمهور في الدنيا! وجودكم بيصنع اللحظة.
وضحكتكم وتصفيقكم هم اللحن الحقيقي لأي نجاح شكراً على الطاقة والحب اللي مبيتوصّفش .. شكرًا”.
ريهام كانت لابسه فستان شيك وملفت كالعادة، وكل اللي شاف الصور مدح فيها وفي أناقتها.
وقبل الحفلة دي، كانت أحيت حفلة كبيره في المتحف المصري الكبير، احتفال بمرور ٥٠ سنه على رحيل كوكب الشرق أم كلثوم، وقالت في تعليق على الصور: “كبرت وأنا بسمع صوتها والنهاردة بعد 50 سنة، لسه إحساسها عايش جوايا”.
كمان كانت غنت في دار الأوبرا السلطانية بعمان في حفله تكريم موسيقار الأجيال محمد عبد الوهاب.
واضح إن ريهام ماشية بخطوات ثابتة وبتقدم فن محترم وجمهورها دايمًا وراها.
