سهير رمزي تفجر مفاجأة عن بوسي شلبي ومحمود عبد العزيز
في مداخله تليفونيه مع برنامج “٩٠ دقيقه” اللي بتقدمه الإعلاميه بسمه وهبه، فجّرت الفنانه سهير رمزي مفاجأه كبيره عن صديقتها الإعلاميه بوسي شلبي، وقالت إنها لحد دلوقتي بترفض تتجوز تاني، وبتقول “مش هحط اسم راجل بعد محمود عبد العزيز”.
وأضافت: “أنا عارفه إن الكلام ده ممكن ميصحش أقوله، بس مضطره أتكلم، بوسي بتيجي لها عرسان من كل المستويات، وبترفض بسبب حبها لمحمود”.
سهير كمان قالت إنها كانت قريبه جدا من محمود عبد العزيز من قبل حتى ما يبدأ في الوسط الفني، وإن علاقتها بيه كانت أخويه، وكان بيعتبر والدتها زيه زي أمه.
وقالت: “أنا زعلانه جدا من اللي بيحصل دلوقتي هو كان راجل محترم ومؤمن ودمه خفيف، وكنا جيران أنا وجوزي وهو وبوسي، دايمًا سوا بنسافر وبنقعد وبنتعشى، وكان بيعشق الكرشه بالدمعه وبوسي كانت بتعملها له حلوه”.
لكن في المقابل، حصلت مفاجأة تانيه، لما ولاد محمود عبد العزيز، محمد وكريم، طلعوا حكم محكمه بيأكد إن بوسي كانت طليقته من سنة ١٩٩٨، وإن علاقتهم انتهت بعد شهر ونص من الجواز! وبرغم كده، بوسي نفت وقالت إنها كانت زوجته لحد وفاته، ونشرت بطاقتها وجوازها كدليل.
الدنيا مقلوبه بين تصريحات متضاربه، وكل واحد عنده حقيقه بيتمسك بيها.
