في أجواء مختلفه وغريبه شوية عن الزواجات التقليديه، احتفل بطل العالم السابق في الإسكواش، رامي عاشور، بزفافه على عروسته اللي من خارج الوسط الفني، يوم السبت 10 مايو، في فندق كبير بالقاهره.
الفرح كان مليان نجوم من الوسط الفني، زي محمد الشرنوبي، مصطفى حجاج، حاتم فهمي، محمود العسيلي، الشاعر تامر حسين، والملحن محمد يحيى، وغيرهم كتير.
اللي لفت الأنظار بجد، إن رامي وعروسته قرروا يبعدوا عن الشكل الكلاسيكي للفرح، وظهروا بإطلاله هنديه مبهجه، وكمان عملوا شوية رقصات هنديه خطفت أنظار المعازيم.
مصطفى حجاج وحاتم فهمي شاركوا الفرح بالغنا والرقص، ونزلوا فيديوهات على إنستجرام فيها لقطات حماسيه جدًا من الفرح.
رامي عاشور في الفتره الأخيره دخل عالم الغنا، وطرح كذا أغنيه، من أبرزهم “توكسيك”، اللي قال عنها إنها تجربة شخصيه واشتغل عليها مع شادي حسن، وإنه اللي كتب كلماتها وانتجها بنفسه، وكانت بالنسباله طريقه للتعبير عن نفسه ومشاعره.
وبيأكد دايمًا حبه الشديد للمزيكا الشرقيه، وخصوصًا فنانين زي محمد فوزي وسيد درويش، وقال إنه بيجهز لحاجه حديثه فيها لمسة ريمكس لأغنيه لسيد درويش قريب.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
