نيكول سابا: بنتي مش مخبياها بس بحميها من التنمر والتعليقات
الفنانه نيكول سابا اتكلمت بصراحه في برنامج “عمر جديد” عن بنتها الوحيده “نيكول” وقالت إن الناس دايمًا بيسألوها ليه مش بتظهر بنتها في الصور أو المناسبات، فردت وقالت: “هي مش مخبياها ولا حاجه، هي معانا دايمًا، بس أنا اللي بطلب من الصحفيين والمصورين ميصوروهاش، وبشكرهم إنهم بيحترموا ده”.
وأضافت إن بنتها عندها حسابات خاصه على السوشيال ميديا وبتشوف كل حاجه بتنزلها، بس هي ما بتحبش تعرضها للتنمر أو الكلام السلبي المنتشر، وقالت كمان: “أكيد هتظهر وقت ما تحب، بمزاجها مش غصب عنها”.
وعن شخصيتها، قالت نيكول إن بنتها دلوقتي عندها 12 سنة، وابتدت تطمن عليها شوية لأنها كونت شخصيتها، وشبه أبوها يوسف الخال في طباع كتير، وشبهي في الحنية.
وعلى الصعيد الفني، نيكول شاركت في رمضان 2025 في مسلسل “وتقابل حبيب” بدور “رقية العسكري” سيدة الأعمال القوية اللي قلبت حياة “يوسف أبو العزم” وجوزها خالد سليم، ودمرته بسبب خيانتها ودخولها في شغل مشبوه، لحد ما هو قتلها وقتل نفسه.
المسلسل كان من بطولة ياسمين عبد العزيز وخالد سليم ونيكول وكريم فهمي، وتأليف عمرو محمود ياسين.
