تحكيم كلاسيكو الأرض يثير الجدل والخساير تقضي على موسم مدريد
شهد كلاسيكو الأرض بين برشلونة وريال مدريد في الجولة 35 من الدوري الإسباني أحداث مثيره وجدل تحكيمي كبير، خلّى الجماهير تتكلم أكتر عن الحكم هيرنانديز هيرنانديز من الماتش نفسه.
المباراة انتهت بفوز برشلونة ٤-٣، في خساره موجعه لريال مدريد خلت أمله في الدوري يطير، خصوصاً إن الفارق بينه وبين البرسا بقى ٧ نقاط.
من أول دقايق الماتش، الحكم احتسب ضربة جزاء لريال مدريد بعد تدخل تشيزني على مبابي وده كان قرار سليم.
بس بعد كده بدأت المشاكل، زي اعتراض الريال على هدف لامين يامال بحجة لمسة يد من دي يونج، بس الإعاده وضحت إنه لعبها بكتفه.
كمان الحكم احتسب ضربة جزاء تانيه لمبابي لكن الفار ألغاه عشان تسلل بيلينجهام، وده فعلاً قرار صح.
بس المثير للجدل بقى لمّا تشواميني لمس الكوره بإيده في الدقيقه ٧٩ واللي أغلب المحللين قالوا إنها كانت تستحق بلنتي، لكن الحكم ما حسبش حاجه.
وبرضو إلغاء هدف فيرمين لوبيز كان عليه جدل كبير، لأنه لمس الكوره بإيده بس بشكل مش مقصود وما استفدش منه، وبرضو الحكم لغاه.
بشكل عام، التحكيم كان ليه تأثير كبير في نتيجه الكلاسيكو وخلى جماهير الريال غاضبه، بينما البرسا استغل الفرص وقرّب أكتر من اللقب.
