خسارة الريال أمام برشلونة تفتح باب التغيير داخل إدارة النادي
بعد الخساره المرّه لريال مدريد قدام برشلونة بنتيجة 4-3 في الجولة 35 من الدوري الإسباني، بدأت تظهر أول ردود الفعل من إدارة النادي الملكي، واللي واضح إنها مش مصدومة من الهزيمه، بل شايفين إن الموسم ده كله كان نهاية مرحلة.
ريال مدريد جمد رصيده عند 75 نقطه، وبقى بعيد عن الصدارة بفارق 7 نقاط، يعني تقريبا حلم الدوري راح، ومعه كل الآمال بالمنافسه على أي لقب تاني، سواء محلي أو أوروبي، وده خلّى الموسم يتوصف بـ”الصفري” لأول مرة من سنين.
الصحفي جيلرمو راي من “ذا أتلتيك” قال إن الإدارة مش مستغربة من الوضع، خصوصًا مع المستوى الضعيف اللي بيقدمه الفريق من أول سبتمبر، وده مش بس ظهر في الخسارة من برشلونة، لكن كمان في ضياع نهائي الكأس.
الإدارة حسب كلام الصحفي شايفة إن تغيير المدرب مش كفايه، حتى لو جه تشابي ألونسو، لازم كمان تدعيمات كبيرة وبداية مشروع جديد يعيد الريال للواجهة، لأن اللي حصل السنة دي بيأكد إن الحقبة الحالية خلاص انتهت.
